講講財務自由

大家好

第一篇想同大家分享既係財務自由~

咁我相信大家都知識咩叫退休架啦
就係去到一定年紀就唔再返工
但係唔再返工既前題係有一定條件既
就係筆退休金喇

我諗大部份人對退休金既睇法都係
年輕工作時存低一舊錢
之後到65歲就慢慢搣佢, 享受生活咁
有時仲會驚自己太長命添, 唔夠錢洗咁
諗起都驚

而財務自由同退休其實係有d類似
就係有能力唔洗靠返工提供日常既開支
而且係要係仲年青力壯既時候完成
而唔係老到一個點先得

但係財自左之後唔代表唔做野啵
而係有自己既時間去做自己想做既野
過自己既生活
有d人想去做記者
有d人想環遊世界
有d人想開間鋪頭仔咁
身為岩岩出黎社會做野既90後打工仔
相信宜家都係覺得人生就咁玩完都未定

但係我想同你地講既係
只要靠住我地微薄既收入
加上無比堅定既意志
其實要實現以上既生活並唔係冇可能
可能咁樣講好似烏托邦發緊夢咁

但係夢想既野, 就係遠大, 遙不可及
當你成功既時候就會覺得一路以黎既努力
係終於有回報

下一篇會講下財務自由既概念同條路點行
請大家密切留意!!