年輕人最大既敵人 - 消費欲?

宜家呢個社會
今日出新電腦, 聽日出iphone X,
每個月月初話要存錢, 去到月底,
發現戶口入面又已經所剩無幾,
然後就再等下個月出糧, 有D更加慘既係出糧係為左找上個月卡數
有冇聽過呢D咁既故事?

係年輕一輩之間
每個人手上總有1, 2件名牌,
久而久之就變左唔係名牌既唔買,
唔係名牌既唔著, 甚至追店最新出既品牌野, 你懂的
生活品質一開始就咁高當然唔會有任何儲蓄,
人工一加, 又再買好D多D, 買埋車, 睇落好中產
其實外強中乾, 冇料扮四條

我想同你地講既係
你地如果肯立定決心去做儲錢的話一定可以做到
點解要儲蓄?
為未來唔洗再咁努力而宜家加倍努力
因為買唔起樓就想將買樓個幾百萬洗左先?
咁樣你地就會一直為左還債找卡數一直工作
做到死個日都未還得清

輕輕講下少少, 遲下會再講多好多:
最容易同簡單既方法係一出糧,
儲低你人工一定百分比 (儲蓄比率%),
難既一開始可以儲多D, 50%已經好勁,
覺得想一步一步既,
當幫自己供多份MPF,
5%又好, 10%又好,
儲落一個戶口到, 你係永遠都唔會洗佢既
肯行第一步,
我相信之後你地既生活一定會更好
向1308000又行近一大步

如果肯每日黎睇的話
相信你都係有決心想改變現狀既人,
我會寫多D儲蓄既辦法, 一齊努力加油!